សមាគមមាតាបិតា ZISPP (ZPA) របស់ពួកយើង គឺជាកិច្ចសហការរវាងមាតាបិតា និងក្រុមថ្នាក់ដឹកនាំរបស់សាលា ដើម្បីរួមគ្នាខិតខំបង្កើនគុណភាពនៃការសិក្សារបស់សិស្ស និងលើកកម្ពស់ជីវិតរបស់សិស្សនៅក្នុង ZISPP។ សមាគមនេះក៏ជាវេទិកាមួយសម្រាប់មាតាបិតាក្នុងការទទួលបានព័ត៌មាន និងចំណេះដឹង ព្រមទាំងបញ្ចេញមតិ និងទស្សនៈរបស់ពួកគេអំពីអ្វីដែលកំពុងកើតឡើងនៅក្នុងសាលារបស់ពួកគេ។

ZPA ផ្តល់ឱកាសឱ្យមាតាបិតាបញ្ចេញមតិ និងគំនិតរបស់ពួកគេអំពីបទពិសោធន៍សិក្សារបស់កូនៗ។ ពួកយើងបានជួបប្រជុំជាប្រចាំ ដើម្បីស្តាប់មតិ គំនិត និងកង្វល់របស់មាតាបិតា រួមគ្នាស្វែងរកដំណោះស្រាយ ឬវិធីកែលម្អ ពន្យល់អំពីការផ្លាស់ប្តូរផ្សេងៗ និងនៅពេលដែលអាចធ្វើទៅបាន ពួកយើងធ្វើការសម្រេចចិត្តរួមគ្នា ដើម្បីលើកកម្ពស់បទពិសោធន៍សិក្សារបស់សិស្សរបស់ពួកយើងជារួម។